घरगुती वादातून पुतण्याने केला चुलत्याचा खून; मावळात चार दिवसात दुसरा खून
3929 views
वडगाव मावळ दि.4 (प्रतिनिधी) घरगुती वादातून पुतण्यासह एकाने चुलत्याच्या मानेवर कोयत्याने वार करून खून केल्याची घटना शुक्रवारी (दि.4) दुपारी 3:30 वा. धामणे ग्रामपंचायत कार्यालयाजवळ तालीम ता. मावळ जि. पुणे येथे घडली. शिरगाव परंदवडी पोलीस घटनास्थळी दाखल झाले असून पुढील तपास सुरू आहे.
महादेव भगवान गराडे वय 73 रा. धामणे ता.मावळ असे खून झालेल्या चुलत्याचे नाव आहे.
मंगेश किसन गराडे वय 38 रा.धामणे मावळ व एक अनोळखी असे खुनातील आरोपी आहेत.
वरिष्ठ पोलीस निरीक्षक तेजस्विनी कदम यांनी दिलेल्या माहितीनुसार मयत महादेव गराडे व आरोपी मंगेश गराडे यांच्यात घरगुती वादा होते, त्यातून आरोपी मंगेश गराडे व त्याच्या एका साथीदाराने मयत महादेव गराडे यांच्या मानेवर कोयत्याने वार केले. यात गंभीर जखमी झाल्याने जागीच मृत्यू झाला. आरोपी घटनास्थळावरून पसार झाले.
या घटनेची माहिती मिळताच पोलीस उपायुक्त विशाल गायकवाड, सहाय्यक पोलिस उपायुक्त बाळासाहेब कोपनर, वरिष्ठ पोलीस निरीक्षक तेजस्विनी कदम, सहाय्यक पोलीस निरीक्षक दुर्गानाथ साळी, पोलीस उप निरीक्षक प्रकाश पारखे, नाईद शेख व पोलीस कर्मचारी उपस्थित राहून पुढील तपास करत आहेत.
मावळ तालुक्यात चार दिवसात दुसरा खून झाला असून नात्यातील व्यक्तीचा खून होत असल्याने दहशतीचे वातावरण निर्माण होत आहे.
पुढील तपास वरिष्ठ पोलीस निरीक्षक तेजस्विनी कदम करत आहेत.
