691 views
तळेगाव दाभाडे दि.15 (प्रतिनिधी) तळेगाव दाभाडे मलयाली असोसिएशनच्या वतीने गुरुवारी (दि.15) सकाळी 9 ते सायंकाळी 4 वाजेपर्यंत मोफत नेत्र तपासणी व रक्तदान शिबिराचे आयोजन करण्यात आले. 50 रक्तदात्यांनी रक्तदान केले. 100 रुग्णांची नेत्र तपासणी करून औषधोपचार देण्यात आले. रक्तदात्यांना आमदार सुनील शेळके यांच्या हस्ते प्रमाणपत्र वाटप केले.
मावळचे आमदार सुनील शेळके, शिक्षण प्रशासन अधिकारी शिल्पा रोडगे व मुख्याध्यापिका वैशाली मिरघे यांच्या हस्ते शिबिराचे उद्घाटन करण्यात आले. येथील थोर समाजसेवक नथुभाऊ भेगडे पाटील प्राथमिक शाळा क्र. 1 मध्ये शिबीराचे आयोजन केले.
डॉ. गौरव ओसवाल, डॉ. स्नेहल कदम, अमृत शिंदे यांनी नेत्र तपासणी काम पाहिले.
पुरंदर ब्लड बॅंक डॉ. अजय खरात, शिल्पा रणदिवे, संचिता गोल्हे, रोहिणी भोकटे यांनी रक्तदान काम पाहिले.
मलयाली असोसिएशन अध्यक्ष नंदकुमार नायर, उपाध्यक्ष अजय नांबियार, सह सचिव गिरीश अशान, खजिनदार नितीन नांबियार व सर्व पदाधिकारी कार्यकर्ते यांनी आयोजन केले.