पांडुरंग नामदेव लालगुडे वय 59 रा.कुसगाव खुर्द ता.मावळ रेड्याच्या हल्ल्यात मृत्यू झालेल्या शेतकऱ्याचे नाव आहे.

मयत पांडुरंग लालगुडे यांचा शेती व दुग्धव्यवसाय असून त्यांच्या म्हैशीचा रेडा ज्याला बाटलीने दूध पाजून मोठे केले होते. त्या रेड्याने एकदा पांडुरंग लालगुडे यांच्यावर धाव घेतली होती. त्याला विकण्याचा विचार झाला होता.

नेहमीप्रमाणे लहान मोठया 24 म्हैशी व 1 रेडा चारण्यासाठी डोंगरावर सकाळी 8 वा. गेले होते. त्या रेड्याने पांडुरंग लालगुडे यांच्यावर हल्ला करून छातीला व डोक्याला गंभीर जखमा केल्या.

त्या ठिकाणी कोणी मदतीला नसल्याने अनेक तास एकाच ठिकाणी पडल्याने त्यांचा जागीच मृत्यू झाला. या घटनेची माहिती डोंगरात फिरणारी आदिवासी व्यक्तीने दिली. 

या घटनेची माहिती कामशेत पोलीस स्टेशनमध्ये दिल्याने पोलिसांनी घटनास्थळी धाव घेऊन मृतदेहाचा पंचनामा केला.

मृतदेहाचे शवविच्छेदन करून मृतदेह नातेवाईकांच्या ताब्यात दिला. या घटनेने परिसरात हळहळ व्यक्त केली जात आहे. सायंकाळी 6 वा. त्यांच्यावर अंत्यसंस्कार करण्यात आले.

माजी सरपंच काळूराम लालगुडे, मारुती लालगुडे व संतोष लालगुडे यांचे ते वडील होत.