साते ग्रामपंचायतीच्या सरपंचपदी मिनाक्षी आगळमे

232 views

वडगाव मावळ दि.25 (प्रतिनिधी) साते ग्रुप ग्रामपंचायतीच्या सरपंच पदी मिनाक्षी मंगेश आगळमे यांची एकमताने निवड करण्यात आली. सरपंच संदिप शिंदे यांनी त्यांच्या पदाचा राजीनामा दिल्याने त्या रिक्त जागेची गुरुवारी (दि.20) निवडणूक घेण्यात आली. सरपंच पदासाठी मिनाक्षी मंगेश आगळमे व श्रुती धैर्यशील मोहिते यांनी उमेदवारी अर्ज दाखल केल्याने मतदान घेण्यात आले. मिनाक्षी आगळमे यांना 6 तर श्रुती मोहिते यांना 5 मते मिळाल्याने मिनाक्षी आगळमे यांनी एकमताने सरपंच पदी निवड झाल्याचे घोषित केले.


Author : Admin
Publisher : admin
Update : 1 week ago
Date : Tue Mar 25 2025

image



निवडणूक प्रक्रिया निवडणूक निर्णय अधिकारी मंडलाधिकारी सुरेश जगताप यांच्या उपस्थितीत संपन्न झाली.


याप्रसंगी उपसरपंच आम्रपाली नितीन मोरे, सदस्य गणेश शिवाजी बोऱ्हाडे, ऋषिनाथ मारुती आगळमे, संदीप दिनकर शिंदे,संतोष पोपटराव शिंदे, सखाराम काळोखे,आरती सागर आगळमे, ज्योती मुकुंद आगळमे, श्रुती धैर्यशील मोहिते, वर्षा स्वप्नील नवघणे, माजी आदर्श सरपंच भाऊसाहेब आगळमे, मान्यवर व ग्रामस्थ उपस्थित होते. 

नवनियुक्त सरपंच मिनाक्षी आगळमे यांच्या निवडीबद्दल त्यांचा सत्कार करण्यात आला.

सत्कारप्रसंगी मिनाक्षी आगळमे म्हणाल्या ग्रामस्थांनी माझ्यासारख्या सर्वसामान्य शेतकरी कुटुंबातील महिलेला सरपंच पदाचा मान दिला. जो माझ्यावर विश्वास दाखवला व मला गावची व ग्रामस्थांची सेवा करण्याची संधी दिली त्याबद्दल सर्वांचे आभार मानते. समाजातील सर्व घटकांना न्याय मिळवून देण्यासाठी प्रयत्नशील राहिल व उर्वरित विकासाची कामे करण्यास मी कटिबद्ध राहील.




लेटेस्ट अपडेट्स